మెగాస్టార్‌ చిరంజీవి నటించిన ‘రుద్రవీణ’ చిత్రం అప్పట్లో ఎంత పెద్ద సూపర్‌ హిట్‌ అయిందో అందరికి తెలిసిందే. అలాంటి సూపర్‌ హిట్‌ టైటిల్‌తో నూతన నటీనటులతో జి.మధుసూదన్‌రెడ్డి అనే దర్శకుడు ఇటీవలే ఓ సినిమాను తెరకెక్కించి ఈ నెల 28 వ తేదీన రిలీజ్ చేశారు. రొమాంటిక్ ఎంటర్టైనర్ గా తెరకెక్కిన ఈ చిత్రంలో శ్రీరామ్ నిమ్మల హీరోగా నటించగా… శుభశ్రీ రాయగురు, ఎల్సా ఘోష్‌ హీరోయిన్లు గా నటించారు. ఈ సినిమా అనౌన్స్ కావడంతోనే ‘రుద్రవీణ’పై ఓ మోస్తారు అంచనాలు ప్రజల్లో ఏర్పడ్డాయి. అలా ఎన్నో అంచనాల మధ్య విడుదలైన ఈ మూవీకి పాజిటివ్ రిపోర్ట్స్ వస్తుండడం పట్ల మూవీ టీమ్ హర్షం వ్యక్తం చేస్తున్నారు.
సినిమాకు మంచి రివ్యూలు వస్తుండడంతో ఈ సినిమాలోని నటీనటుల గురించే అందరూ చర్చించుకుంటున్నారు. ముఖ్యంగా ఈ చిత్రంలో వీణ క్యారెక్టర్ లో నటించిన ” శుభ శ్రీ రాయగురు ” గురించే అందరూ మాట్లాడుకుంటున్నారు. మంచి అందం, అభినయంతో ఆకట్టుకుంటున్న ఈ ముద్దుగుమ్మ ఎవరా అని గూగుల్ లో ఓ సెర్చ్ చేసేస్తున్నారు. ఆ బ్యూటీ గురించి కొన్ని వివరాలు మీకోసం… 2020 ఫెమినా మిస్ ఇండియా ఒడిశా టైటిల్ గెలుచుకొని సినిమా ఇండస్ట్రి లోకి ఎంట్రీ ఇచ్చింది. ప్రస్తుతం వరుస సినిమాలలో ఛాన్స్ లు దక్కించుకుంటూ దూసుకుపోతుంది ఈ భామ.
నందమూరి కల్యాణ్ రామ్ , మైత్రి మూవీ మేకర్స్ కాంబోలో వస్తున్న చిత్రంలో కూడా ఈ భామ ఛాన్స్ కొట్టేసింది. అలానే ఓ పిట్ట కధ, కేరింత చిత్రాలతో ప్రేక్షకుల్లో మంచి గుర్తింపు తెచ్చుకున్న యంగ్ హీరో విశ్వంత్ తో కూడా ఓ మూవీ చేస్తుంది శుభ శ్రీ. తెలుగుతో పాటు తమిళ్ లో కూడా పలు సినిమాల్లో నటిస్తుంది. మిస్కిన్ డైరెక్షన్ లో వస్తున్న ” డెవిల్ ” అనే చిత్రంతో కోలీవుడ్ లో కూడా ఎంట్రీ ఇవ్వనుంది. ఇలానే వరుస సినిమాల్లో నటిస్తూ స్టార్ హెరోయిన్ రేంజ్ కి శుభ శ్రీ ఎదగాలని ఆమె అభిమానులు కోరుకుంటున్నారు.
